Bohong

Saurna tresna tp taya beja jeung carita, 
saurna deudeuh tp nyarios bangun nu geuleuh,
saurna nyaah tp teu tiasa ngabeberah manah. 
Saurna satia tp cinta bet di bagi dua...

Read More

saacan ieu raga....
ngajepat nyingareup ngaler
hamo bisa ditambaan

saacan ieu diri....
pindah tina ieu alam
bakal tandang makalangan
keur harepan nu can kahontal

sakabeh rasa antara
anjeun, kuring jeung manehna
mung Gusti nu langkung uninga

urang mah jalma nu la'if
ngan ukur ngotretkeun hiji catetan
taqdir teu bisa dipungkir
kdah sadrah tumarima

Read More

Nyeri

duh Gusti....
peurihna ieu ati
lir ibarat raheut ku hinis.

mapay jalan harepan
taya cahaya maturan
mapag kala wanci janari
salira teu pasini kana jangji

tp estuning kanyaah mh
teu wleh mapaes raga
bade dimana salira....
bade sareng saha.....
kuring sadrah tumarima

duh Gusti....
Anjeun langkung wnang
kana sagala kaniskara

Read More

Bral gera Miang

Waktos salira reumbay ku cimata
sabenernamah kuring teu tega
ngan dalah di kumaha............
da eta mah kaputusan anjeun nyalira

bingung mah bingung matak gering pikir
rek ngijinan bisi pajar geus teu micinta
ari teu ngijinan anjeun bakal leuwih kasiksa
mung ukur tiasa ngajurung ku du'a

kakasih...................
mun tos nepi kana waktuna mah
pasti moal kieu rarasaan teh
tapi duka iraha

Read More

Sieun Kuciwa

sanes hoyong dipikarunya........
pedah cimata remen ngalembereh
maseuhan sajadah peuting ieu

simpe....teu aya sora
padahal hate jumerit maratan langit
sugan dugi kana pangdangu Anjeunna

Duh Gusti.......................
Iraha atuh ieu harepan baris laksana
Iraha atuh bisa silih mika heman

Lain pedah ku pa'anggang
Tapi jiwa pinuh kahariwang
sok sieun manehna teu paheut kana janji

Read More

BMW

lamun anjeun ninggali kuring duaan
rerendengan sareng wanoja nu langkung geulis
anjeun ngacay moal.........pasti moal

lamun anjeun ninggali kuring naek mobil BMW seri anyar
bari duit triliunan dina tas abdi
anjeun ngacay moal........pasti moal

lamun imah kuring jiga istana kpresidenan di bogor
bari selir gaduh sapuluh gareulis kacida
anjeun ngacay moal.....pasti moal

sabab kuring geus apal kana sifat anjeun
Anjeunmah ngacayna lamun pas sare wungkul

Read More

Sare Patonggong-tonggong

teu karasa.......waktu teh
ari ku kasiksa mah
anjeun teu ngarasakeun
pasiksana ieu awak

geus ampir saminggu.....
urang duaan sare teh patonggong-tonggong
omat......cukup saminggu ayeuna wungkul
ulah diteruskeun...ieu raga teu walakaya

naha atuh ngajak sare teh bet patonggong tonggong wae
anjeun hayang nonggongan dipan
nitah kuring nonggongan lalangit

Read More